الرئيسيةس .و .جبحـثقائمة الاعضاءالمجموعاتالتسجيلدخول

شاطر | 
 

 اجمل الرباعيات بالعاميه المصريه

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
zozo



انثى عدد الرسائل : 1
تاريخ التسجيل : 02/04/2010

مُساهمةموضوع: اجمل الرباعيات بالعاميه المصريه   الجمعة أبريل 02, 2010 5:35 pm

اجمل الرباعيات بالعاميه المصريه

رباعيات رائعه من اشعار احمد الهمامى

يا عـــبد مالك مش بتشكر ربنا لــيه
عد النعم اللي أنت فيها مالك فيه إيه
دي الصـــــحه نعمه ومن أهم النــعم
لو يوم تروح هتعيش عليل يا بيــه
وآه

يا ســـقف بيتنا مالك كده واطي وقصـير
كان نفسي تبقى في السما وعليك أدور
يا هــــل ترى الســـــقف رمز لدينــــيتي
ولا يكــون الســقف ده عمــري الصغير
وآه
ياللي بتنـــــــصح أخوك بكل شيء حــــلو وجمــيل
زي الأمانه والشرف وتقوله خوض في المستحيل
هو أنـــــت أصلاًَ بتعمل إيه مـــــــــــن دا الكــــــلام
غير إنــــــك بس تـــردده وده شــــــــــــــيء سهيل
وآه


قالوا الفـــتن في الأرض كـــل يوم بتــزيد
إيشي طائفي وإيشـي عنصري وبإيه يفـيد
ديني أو لوني أو نوعي ما دمت أنا إنسان
ولا نسيتوا ياخــــــــــلق إننا كلنا عـــــــبيد
وآه



سمـــــعت صـــوتك يا حبيبتي بكيت
كأنه حلم طـــويل ومنه صــــــــحيت
معقول بجد أنا بقـــــــيت بـــــابــــــا
وهضمك في حضني زي ما اتمـنيت
وآه
حراس حدود وســـــــدود وســور
عساكر بوليس وظبــــاط بنســور
دي دنيا واســـــــــعه ولا سجـــن
أنا اتخــنقت وعايز أصرخ وأثـور
وآه
كـــام ألف عــام عــــــــــــــدو عليــك يا نيـل
ولساك بتجري من الجنوب للشمال يا أصيل
لو حـــد غـــــــــــــيرك كــــان نفسه اتقـــطع
لكن أنــــت صـــامـــــــد مــع إنـــــــــك عليل
وآه

في عيد مـيلادك يا حبيبتي بهديلك 000 100 بوسه
حبه على خدك وحبه على إيــــــدك الحلوه يا نوســه
لـــــولا الفقر والعجز أنـــــــــــا كنـت أجيبـــلك دهـــب
لكن أعذريني مش بإيــــــــدي دي ماشيـــه بالكوسه
وآه

جنين وقـاعد يرفس في بطـــن أمـــــه
بيتدلع ويتقـلب يمين وشمال ولا يـهمه
9 شهور وهـــــــــو عــلى دا الحـــــال
9 دقايق ويـــــــنزل الأرض يا هــــمُه
وآه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
اجمل الرباعيات بالعاميه المصريه
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات مملكة البحرين :: المنتديات الادبية :: قسم الشعر و القوافي-
انتقل الى: